失去至親仲要忍住傷痛去返工，facebook（fb）營運總監桑德伯格最有切身感受，可能就係咁fb決定延長喪假安排，失去直系親屬嘅員工可獲最多20天假，失去其他親屬就可獲最多10天假，較原本嘅分別10天與5天多一倍。
措施今年生效，負責宣布嘅桑德伯格最有切身感受，因為佢丈夫戈德堡一五年喺墨西哥度假期間忽然過身。桑德伯格喺通告上就以過來人身份話，喺丈夫離世嘅噩耗期間，屋企嘅小朋友比任何時候都需要佢，感恩能為提供喪假與靈活工作安排嘅fb工作，因為呢兩樣都係佢當時非常需要嘅嘢。咁體恤員工，值得讚。
余絲韻