絲絲講場：御佳攬實大麥 寓意「大賣」
新股御佳控股（03789）為乜帶住幾捆大麥去首掛？御佳尋日舉行上市儀式，敲鑼影相留念梗係唔少得，不過絲絲發現，逢有嘉賓埋去影相，公司主席王麒銘同太太都會遞上一紮金黃色嘅麥穗，好似接力咁無停過。唔通係御佳嘅吉祥物？
問起先知，幾捆麥穗係主席一家自己帶嚟嘅，「大麥」普通話諧音係「大賣」，即係祈求公司股票大賣咁解！哦，咁即係「吉祥麥」啦！
收市險守招股價
大麥加持下，御佳尋日雖然一開市就潛水，但收市前有買盤撈底，收報0.57元，守住喺招股價0.56元樓上。
余絲韻