今年經濟政治大事浪接浪，美國總統特朗普上周五宣誓就職，跟住會唔會爆貿易戰？金融市場會點？呢啲人心惶惶嘅日子，又係預言家出嚟「警世」嘅時候。
有位出書教「解夢」嘅英國預言家柏克爾（Craig Hamilton-Parker）話，八月美國上空將出現「日食」，屆時美股股災。絲絲睇，美股有事，港股好難冇事！仲未夠，佢仲話丹麥與意大利將成為下一批「脫歐」國家，仲話歐元會「直插無水花式」貶值，總之歐美經濟一片混亂咁話！
信唔信佢？呢位預言家去年測中侵侵當選美國總統、英國公投「脫歐」。不過咁，佢夠話過侵侵就職典禮可能成為無人機化武襲擊目標，結果乜事都冇。真係信不信由你。
余絲韻