絲絲講場：建行亞洲出書賀105歲

新書叫《香港華資銀行百年變遷：從廣東銀行到建行亞洲》，由多位董事長同副董事長領導下組成17人研究團隊用一年半時間寫成，書內有大量珍貴歷史圖片，包括用毛筆寫嘅陳年董事會會議紀錄。

尋日新書發布會請到唔少猛人蒞臨，包括香港金融管理局副總裁阮國恒。不過，記者會答問時，有傳媒開口話「建銀亞洲」，建行亞洲前行長兼現任非執行董事毛裕民即刻開聲糾正，話佢哋個名同「某」銀亞洲係好大分別。Well，即場氣氛有啲啲尷尬添。去到行長級數，當然事事認真有要求，明嘅。