去年環球市場出現多隻黑天鵝，如英國意外脫歐與美國大選由特朗普勝出，凡此種種，皆大大影響投資者事前部署策略。不過，所謂有危必有機，只要抓緊機會，事件的好與壞絕對難唔到聰明的投資者。
回說港股一六年最後一個交易日，港股終於做番場好戲，恒指收報22,000點，升209點，主板成交537億元，技術上重新上破10日線21,820點。至於即月期指日市收報21,962點，升173點，成交合約得6.9萬張，但未平倉合約達11.6萬張，都算有睇頭；夜市則收報21,920點，低水80點。
雖然港股上周五走勢略為偏好，但可惜另一邊的美股走勢唔多靚仔，道指自去年十二初在兩萬點邊營造圓頂回落形態，上周五收報19,762點，跌57點，跌幅0.29%當然唔算多，不過當大部分資金此前都睇住兩萬點大關食胡之下，後市就唔能夠太樂觀。
策略上，港股走勢初現好轉，但考慮到美股隨時會拖後腿，所以都係睇埋今日港股會否出現「開門紅」，即市又睇吓北水動向，之後再才打算，始終開好倉贏面一半半，無謂新一年做衰個頭！
John Mullen