有米未必真係「有米」！泰國穀物過剩，現時泰國稻米儲備約為800萬噸，佔全球貿易約20%。而就上個月，當地出產嘅茉莉香米平均價格每噸8,294泰銖，創○七年二月以來最低，連糙米價格亦創一四年五月以來新低。
當地靠種米維生嘅人有1,600萬，咁多人靠米搵食，點算？就係咁，泰國北部嘅蘭實大學就允許農民家庭學生下一學期可以用稻米嚟交部分甚至全數學費，間大學仲會以高於市價嘅價錢嚟同學生計添，希望幫到啲農民家庭渡過難關。
唔好以為古時未有貨幣先會「以物易物」，今時二十一世紀都仲未Out o架。
余絲韻