積金FUN享：積金組合睇個人承受力

明仔：我個老闆好似當我工人，日日早上叫我沖杯咖啡。

傑仔：我都唔好得去邊，經常給人點去影印。明仔，你填好份強積金投資表格未？我個計劃都有不少基金，這次終於不用給人指指點點，可以自己挑選基金。

長線平衡風險回報

明仔：在強積金計劃下，我哋買基金可以想點就點。不過，強積金是我哋的養老金，都要做番唔少功課先可以達到升值目標。今次份強積金就真是關我事啦。

御峰評：強積金投資是為退休儲蓄，亦是一項長期投資。成員的強積金基金組合需要配合你的承受風險能力。雖然成員挑選強積金基金可以想點就點，但是忽略平衡長線投資的風險和回報，就會導致強積金組合錄得虧損甚至大幅下跌。

聖誕節前，傑仔和明仔再次出來打波，並談及今年的投資表現。

明仔：傑仔，今年投資表現如何？你個強積金戶口有無增值？

傑仔：唔好提啦，我上半年見債券基金表現不錯，年中追入後跌跌不休，最終戶口都是蝕錢。明仔，管理強積金有甚麼好辦法？

明仔：投資需要靠自己做功課，惟不少強積金計劃都提供目標日期基金，亦即是人生階段基金。這種基金可以隨着計劃成員的人生階段改變而自動調低投資風險。

傑仔：好的，等我返去都做吓功課。

御峰評：除了目標日期基金之外，投資者亦可考慮預設投資方案。明年四月一日起，每個強積金計劃都會引入一個「預設投資」方案，由核心累積基金和65歲後基金構成，擁有環球分散投資、隨計劃成員接近退休年齡而自動降低風險，以及設有收費上限的三個特點。

御峰理財研究部