萬科A（000002.SZ）呢兩日股價雖則叫做升番，不過睇怕主席王石笑唔出，事關佢代言隻8848鈦金手機畀中國消費者協會話，手機實物材質與宣傳有出入，甚至涉嫌虛假宣傳。今回王石真係遇到「鈦」大問題！
中國消費者協會（簡稱中消協）收到有人投訴，檢測後發現：1、所謂瑞士名錶所用「5系鈦合金」，金屬行內不存在「5系鈦合金」呢樣嘢，手機用料實際只係工業純鈦或鈦合金；2、鈦並非宣傳所指「稀有貴金屬」，亦唔算名貴；3、官網與實舖宣傳資料唔一致，官網話「藍寶石玻璃」，落到實舖宣傳變「藍寶石」等。
呢隻8848鈦金手機好紅，價錢以萬元人仔計，手機名來自珠穆朗瑪高度。王石咁有分量，又出名愛登山，本來幾咁匹配，估唔到會中伏！
余絲韻