絲絲講場：超盈「Bra閉」搞埋保險

Bra物料商超盈國際控股（02111）搞開喱士，忽然走去搞保險！

超盈尋日宣布，集團間接全資附屬東莞超盈將注資約1.4億人仔，夾埋另外七間內企，搞間打算叫做「喜康人壽保險」嘅公司，主攻內地保險及相關財務活動。喜康人壽註冊資本逾20億元人仔，超盈持股約7.02%。

超盈供應開女性貼身恩物高質物料，「Bra閉」到有唔少大客Victoria's Secret、馬莎、黛安芬長期捧場，早兩年喺香港上市，仲連發三次盈喜。