絲絲講場：兩老舒適退休每月要預3萬
兩公婆想舒舒服服退休，每個月使費竟然要3萬？滙豐公布《滙豐退休策劃指標》最新數據，以二人家庭為例，「基本」退休生活模式每月預算大約係9,165元，而「舒適」生活預算約29,530元，「豐盛」生活預算更加達到47,660元。
滙豐增兵推廣「懶人基金」
退休要使幾錢，真係好難計，好似要有個「舒適」生活，舊年滙豐個統計都仲係每月28,890元，今年已經加晒價，升咗2.22%至到29,530元，通脹得最勁嘅係房屋同食物。唔通大學生一出社會就要開始儲錢退休？靠MPF（強積金）隨時「基本」退休生活都搞唔掂呀！
講開MPF，俗稱「懶人基金」嘅預設投資策略（DIS）明年四月一日就會出爐，滙豐保險退休金主管葉士奇（Alfred）話，為咗做好通知成員嘅工作，佢地Call Centre都請多咗人，可應付多兩成查詢。
至於大家最關心嘅強積金回報同收費，Alfred話佢哋24隻基金入面，超過八成嘅表現高過該基金類別嘅中位數。絲絲都係嗰句，齋靠MPF退休？你絕對諗多咗。
余絲韻