新世代供略：準護士置業留守屯門
今期「新世代供略」主角是家住屯門的Nicole，雖然出入較麻煩，惟樓價比九龍區親民，搵到300幾萬的私樓已好滿足。事實上，屯門區還有一些名氣較低的單幢盤，靜中帶旺，衣食住行便捷，啱晒上車客。如坐落新墟的細價盤康利中心，步行至西鐵站僅幾分鐘步程，叫價320萬元起。
大學生Nicole是一名護士實習生，對於愈升愈有的樓價大感無奈。她稱，「要睇買樓時畀幾多首期，先可以決定自己住咩樓。首選住番屯門，有西鐵出入市區都算方便，不過就想住啲人少啲嘅地區。依家樓價咁貴，300幾萬買到面積大少少嘅單位已經好好，但知道較難搵，若Budget許可會先考慮私樓。」
靜中帶旺 全數兩房
屯門站近新墟一帶，為區內發展遠久的住宅區，平民食肆俱備，靜中帶旺。區內大多為樓齡較舊的單幢物業，但勝在入場門檻便宜，適合Nicole的年輕上車客。
其中已屆三十年樓齡的單幢樓康利中心，僅得160個單位，全供應近300方呎的兩房戶，眼鏡房設計，雖有玄關及窗台，客廳較逼，但間隔勻稱，少角位，易於擺位。另外，康利中心附近配套完善，鄰近新墟街市，步行到屯門西鐵站及大型商場均少於十分鐘步程，出入便捷。
銀碼細 上車客熱捧
美聯聯席區域經理陳智生表示，康利中心因銀碼平，受上車客歡迎，平均每月均可錄一宗成交，成交價徘徊280萬至300萬元水平。
市場現有兩至三個買賣盤，普遍業主叫價較市價高3至5%，交吉戶最平入場費只需320萬元起，個別更高至350萬元。
