新世代供略：白領選宅心儀葵涌
「做咗幾年嘢，儲錢就一定有嘅，但我唔覺得依家個市會上到車！」這是今期「新世代供略」主角Candice的心聲。不過想買樓又不用灰心，若可以將貨就價，又不介意住舊樓的話，葵涌還是有筍盤可以揀，例如單幢物業葵都大廈，雖保養較為輸蝕，但勝在內籠不至於是縮水蚊型戶，且340萬元有得揀。
Candice從事文職，收入穩定。她表示，「有儲錢好正常，不過點儲都好，睇依家個樓價都知道靠自己根本買唔到樓，同一區幾年前後比較已經差好遠，有時會灰心到寧願想租樓。」
她續稱，「我本身住荔枝角，其實住葵涌都Okay，不過要搵300萬、400萬嘅樓有難度。住新樓又會住到好細，所以寧願住舊啲，不過地方大啲，又比較實用。」
較蚊型戶大近百呎
其實如Candice心儀葵涌，又不介意住舊樓的話，和宜合道及大隴街一帶仍有不少選擇，雖配套設施較遜色，但環境不算嘈吵，且平民商舖林立，基本生活齊備。
坐落大隴街的葵都大廈屬單幢洋樓，只有二十二層，提供132個單位，居住密度低。惟樓價已屆四十年，保養只屬一般。葵都大廈勝在全部供應200餘至300餘方呎的單位，最大有384方呎，與新樓的蚊型戶比較，足足大近百方呎，可間隔一至兩房，有足夠的活動空間。
葵都大廈雖坐落舊區，大型商場欠奉，位置亦較同區的寶星中心、葵星中心等屋苑隔涉。不過舊區反而更有人情味，平民商舖、超市俱備，且靠近石籬商場，衣食住行便利。距離港鐵葵興站較遠，需要小巴接駁，而步行則需約十五至二十分鐘步程。若想逛商場，可到新都會廣場購物，各大品牌齊備。
交投不俗僅一放盤
中原分行經理黃政遠表示，葵都大廈因入場門檻便宜，交投不俗，一年約錄三至四宗，對上一宗是今年八月，一個高層戶以312萬元售出，目前有一個交吉戶放售，實用面積384方呎，放盤價340萬元。