人民幣國債尋日開始接受認購，望多次啲條款，咦？個認購日期彈弓手！
事緣尋晚6點半絲絲「芒」實財政部網站，等到就快發霉，終於等到零售國債銷售詳情出爐，真係萬二分感動！個認購日期話係由十二月九日（即尋日）到十二月廿三日。
查實之前絲絲收到風，認購期應該係去到十二月廿二日就完，但財政部公告話廿三日先完，好，絲絲信。
信，就出事嘞。之後絲絲繼續「芒」，發現財政部唔聲唔聲將個認購完結日期改咗做廿二日。唔，手民之誤？一定係，除非唔係。
余絲韻