深港通後日正式開車，開通儀式上有互贈紀念品環節，香港交易所（00388）同深交所今次會交換咩禮物呢？
絲絲聽聞，港交所搵咗一位以前係Banker嘅藝術家，設計咗一件好特別嘅藝術品送畀深交所，與深交所送畀港交所嘅禮物互相呼應，兩件都超好意頭。
至於係乜嚟，梗係要賣吓關子！不過，聽到係由一個前「賓架」設計，唔知會唔會多啲金融市場元素呢？
記得兩年前滬港通開車時，上交所送出一批極珍貴當地最早上市嘅「老八股」實物股票（話時話，內地證券無紙化咗好耐！），港交所嗰陣就送出首批共九隻H股原始股實物股票。
港交所當年發行咗滬港通首日封同郵票紀念滬港通開車，仲會唔會出呢？
余絲韻