北水頭等倉：廣發証券醞釀再向上
盛傳本月二十一日開車的深港通，到昨日尚未見公布開車日期。事實上，深港通被視為上大人穩定兩地股市的一張王牌，相信決定在何日啟動，還須配合宏觀及外圍重要因素，再由最高領導人拍板作實，並非港交所（00388）單方可以決定，投資者惟有耐心等待，反正距離年底之日不到一個半月，此前淡友部署亦會有戒心。
中海發展業務已改變
唔知大家有冇留意，低迷咗好耐的波羅的海乾散貨指數（BDI）已重上1,000點關口，主要受大宗商品運價回升帶動。到底BDI會唔會繼續升，要睇運價上升是否能成趨勢。
以前提開BDI異動，一定會留意中海發展（01138），不過，其實中海發展控股股東已重組，公司已成為中遠海運旗下公司，成為一家坐擁100艘油輪的油輪公司，亦已出售乾散貨運輸業務，跟進前要搞清楚。
騰訊控股（00700）公布季績前震倉，其中一個原因係受資金有回流美國之勢，美國科技股走低而拖累，另一可能原因係恒指季檢後，騰訊所佔比重略降。但無論如何，以騰訊高位220元計，強勢股調整幅度不過15%計，是次調整應可穩守187元，想買貨不妨睇實低位承接力。
既然深港通愈行愈近，唔使傷腦筋，又睇番券商股。廣發証券（01776）近周一連重上多條平均線之上，似正醞釀新一輪行情，若然板塊氣勢成氣候，年底呢浪目標挑戰19至20元阻力區，失守16.8元止蝕。
司慕渢