絲絲講場：致富證券擴張遇冧市

成日話香港經濟差，但致富證券就喺美孚開多間分行，仲係自置物業！話說原來公司喺美孚已經紮根十三年喇，今次係該區第二間分行。致富證券董事總經理李兆豐（Stephen）同絲絲講，就算經濟麻麻，只要做好自己同以客為先，都唔愁冇生意做嘅！

美國大選結果爆冷由共和黨嘅特朗普勝出，搞到恒指昨日曾挫近千點，但Stephen話憂慮未除，因為依家環球股市將十分波動，重大事件有深港通、意大利公投同美國議息。至於公司未來有咩大計，Stephen就話之後會落力做Branding。

余絲韻