絲絲講場：fb高層一句話 朱仔唔見300億
社交媒體facebook（fb）周三市後發布第三季度財報，業績表現優秀，季內多賺1.66倍至23.7億美元，收入按年亦升56%至70.11億美元。但fb財務總監Dave Wehner一句說話：「預期未來廣告收入或見頂」，即時拖累fb股價周三市後交易時段曾急跌7%，搞到CEO朱克伯格（朱仔）身家即時唔見咗38億美元（約296.4億港元）。嘩，呢句說話真係一字千金囉！
facebook周四跌咗5.64%，收報120美元。昨日美股開市早段輕微回升0.21%，至120.25美元。所以話，講說話時刻要小心。之不過，股價有升有跌，朱仔夫婦幾乎把全部身家都捐出來，想必不會在意呢少少帳面蒸發嘅財富。朱仔就發言話自己對fb前景有信心，並着手搞好視頻直播。
余絲韻