日本經濟產業省旗下中小企業廳最新數據顯示，一二年日本嘅創業「新人」，竟然三分之一係超過60歲嘅銀髮族。
而呢班阿伯阿婆多數係退休後再做自僱嘅專業企管顧問。
30歲出頭嘅創業者唔係話冇，不過比例由80年代嘅57%，跌到得番36%！話時話，80年代嗰57%咪即係依家嗰班創業新人王阿伯阿婆！
點解年輕人冇晒創業夢？只怪佢哋成長喺日本經濟停滯年代，怕承擔風險囉！有幾怕？按國際創業調查組織二○一四年公布，調查全球70個國家當中，以最驚失敗計，日本人排第二，僅次於希臘！怕失敗就縮沙，日本真的通縮了。
余絲韻