絲絲講場：黃志祥讚囝囝直豎拇指
信和置業（00083）及同系公司尋日舉行股東大會，會後管理層見記者。主席黃志祥表現較為沉默，喺台上好少答記者問題，多數都係交畀左右嘅同事，包括佢位公子兼執行董事黃永光嚟答。
當阿仔黃永光答完啲關於地產嘅提問後，傳媒又點會放過問公司管理交棒問題，黃志祥只係笑笑口話：「（佢）依家講緊。」黃永光亦立即話：「我會努力、盡力去做」。
點睇阿仔目前表現？黃志祥冇開口講嘢，只係豎起右手拇指。記者追問「咁咋」？做阿爸嘅黃志祥依然冇開口，不過就同時豎起埋左手拇指，引來全場爆笑。
余絲韻