想走出職場或生意困局，除咗好似日本人咁就將啲「屈辱」鑲起嚟砥礪自己外，仲有其他方法。
美國前對沖基金經理James Altucher就教用以下5個小習慣解救，每日用你5分鐘左右。呢5個小習慣，絕對唔係叫你瞓多啲、做運動、睇多啲書嗰種咁大路。學嘢吧。
睇棟篤笑會令人變得風趣及口才好，係關腦嘅「鏡像神經元」（Mirror Neurons）事。呢啲「鏡像神經元」令我哋腦內直接反映出他人嘅行為，簡單講就係「感同身受」。
唔好睇小社交網站呢啲畀Like嘅互動，社交行為可以刺激大腦分泌「催產素」（Oxytocin），又叫「愛情激素」，有助減壓、緩解疼痛，甚至促進性高潮……總之能令你更快樂。缺少「催產素」會點？會自戀、無同情心、反社會或精神病咁啦。
去銀行唱定疊廿蚊紙去茶記四圍派貼士，包人對你留下好印象，下次更好招呼。畀貼士，紙幣望落好樣過銀仔，嗱，十零二十蚊剛好，快去銀行唱定啲傍身。
覆人時，當正呢5年無發生過一樣咁覆法。咁做，話唔定會有意想不到嘅奇迹！
Game者，指嘅係填字遊戲、數獨、扭計骰之類，唔係講打機。玩呢啲小小嘅遊戲挑戰吓腦筋，可踢走負面情緒。
余絲韻