絲絲講場：花旗新大樓開幕中西合璧
花旗集團喺觀塘海濱道的「花旗大樓」尋日正式舉行開幕禮，唔少財金界重頭人物都畀面赴會，就連財金高官都現身撐場，可謂星光熠熠。開幕禮當然唔少得舞龍舞獅，討番個吉利的意頭，即使作為外資行的花旗都唔例外。
花旗集團行政總裁高沛德同亞太區行政總裁高晉誠都有出席今次開幕禮，兩位外籍高管似乎對傳統中國儀式感覺新奇。主禮嘅兩隻獅子入面，紅色象徵「鴻運當頭」，銀白嗰隻就代表發光發亮，象徵銀行尊重創新意念，希望日後的發展可以發光發亮，鴻運當頭咁話，而採青之後的揮春一張係「大展鴻圖」，另一張竟然是「Congratulations」，實行中西合璧，啱晒本地民情！
余絲韻