阿頭唔易做！話說友邦退休金管理及信託（AIA MPF）呢排做好多企業社會責任推廣（CSR），希望推動無障礙社會，佢哋位CEO馮裕祺（Stephen）就相當落力，唔單止積極學手語，仲粉墨登場出鏡拍埋宣傳片，真係唔話得！
其實AIA MPF一直都好支持殘疾人士融入社會，除咗早前聘請聽障人士擔任前線員工之外，近期仲推出埋無障礙網頁添。
Stephen話，希望將社會共融嘅訊息帶畀合作夥伴，所以AIA MPF現有強積金企業客戶如有聘用殘疾人士，將可以獲得0.1%管理費回贈，優惠涵蓋嘅基金包括全球股票基金同環球債券基金，兩隻基金目前嘅管理費都係0.99%。
咁其他基金有冇得減費呢？Stephen話會繼續探討減價空間。
余絲韻