絲絲講場：林家亨羽毛球一樣得

林家亨上周參加金銀業貿易場搞嘅羽毛球雙打比賽，仲拎咗個亞軍添。咪見佢平時着起西裝，其實係隱世羽毛球手，而且仲寶刀未老，事關佢嘅比賽對手雖則睇嚟後生啲，但林家亨笑話「我哋打到刁時！」

佢仲話，每年都會參加至少三個羽毛球比賽。但講到最精彩，莫過於三、四年前佢血戰兩位甲組球手，諗起都仲好回味！至於之後會唔會繼續打比賽、拎番個冠軍？佢話今年之內就應該冇比賽喇，但下年會繼續參加，「趁仲郁得跑得，梗係繼續打」咁話。

余絲韻