理財Campus：投資組合因人而異
陸庭龍是恒生私人銀行及信託服務主管，負責客戶的資產以千萬元計，除了資產「流動性」的考慮外，平日根據客戶的年齡、資產、投資經驗及偏好等因素設立投資組合，難憑單一因素一概而論。他舉例指，「坊間以為65歲好老，投資會偏向保守，但其實依家65歲仲係好年輕、好健康，而且退休之後仲得閒咗，資產亦係最豐厚嘅時候，所以好難一概而論點設立投資組合。」有見及此，以下有兩個常見個案，看他如何解說制訂投資組合？
個案1：儲夠40萬先好諗投資
儲錢！收入不高要喺30歲前買樓係不切實際，儲蓄係所有投資嘅根本，寧願訂儲蓄目標好過，如果唔係期望落差太多會好失望。建議最起碼40萬至50萬元先投資，好似賭錢得兩類人會贏錢，一係不停輸然後一鋪翻身，一係本身好多錢唔志在。
30萬入高增長股
唔係話唔投資，而係資金唔夠大，投資效果唔顯著，做唔到分散投資。如果有40萬至50萬元，應該分配10萬至20萬元喺定息工具如債券，債券基金或存款產品，30萬元放係高增長股票，要係行業景好、有增長空間，年複式回報大約6至7厘。
個案2：小家庭揀半債半股
因為考慮到係一個家庭，加上有小朋友嘅關係，會建議保守番少少，50%現金放入債券或債券基金，提供穩定回報，另外50%放係高增長組合，要流動性強，但切忌投資於太多股票，因為本太細投資效果唔顯著，應該集中火力買一至兩隻股票。