絲絲講場：奧運銅牌馮珊珊揮桿撐本間高爾夫
主營高爾夫品牌「HONMA」的本間高爾夫（06858）尋日舉行投資者推介會，今屆里約奧運女子高爾夫球銅牌得主馮珊珊嚟撐場兼即場揮桿，原來呢位中國女球手喺二○一三年起一直擔任該品牌代言人。
公司尋日喺現場搞咗個高爾夫球試打室，可以分析球手嘅擊球點同角度，嚟調整球桿長度、重量與軟硬度等，為客人度身訂造球桿！不過呢套服務香港暫時未有，要到上海、南韓同原產地日本先有。
周五招股 集資14億
公司雖然於○九年被劉建國收購，但仍將日本定為生產基地，工匠亦係日本團隊。本間高爾夫將於本周五招股，集資最多14.71億元，預計下月六日掛牌。
余絲韻