絲絲講場:富豪鬥到上太陽系

「我何止身家多過你,我支火箭都勁過你!」嗱,純粹係絲絲代Amazon創辦人貝索斯講。向邊個挑機?咪係Tesla創辦人馬斯克囉。

佢兩個瓣數多多,各自有間太空探索公司,由地球鬥到上太空。嗰頭馬斯克Space X支火箭爆咗,呢頭貝索斯就話自己間Blue Origin搞緊支大啲勁啲嘅火箭「New Glenn」,預計4年內面世。

貝索斯目標係要深入太陽系,聽落好似勁過馬斯克嘅火星殖民喎。貝索斯身家現時658億美元,喺福布斯富豪榜排第3,明顯跑贏第97嘅馬斯克!不過有樣嘢,貝索斯冇得同馬斯克鬥嘅,就係頭髮!

余絲韻