絲絲講場：花旗教小學生咪做金錢奴隸
花旗叫小學生唔好做金錢奴隸？話說花旗香港聯同保良局入小學教理財。點教法？用漫畫與劇場教。教乜嘢？教點分辨「需要」與「想要」。唔係講笑，呢樣，好多大人都分唔到。
金錢概念要從小培養
花旗香港企業傳訊及公共事務主管方煒（Wayne）話，唔少港人生小朋友都係一個起兩個止，物質上都會滿足晒啲小朋友，所以一定要教小朋友正確金錢概念。
「鯊魚女」陳細潔（Abbie）係保良局署理主任，佢話自己細細個冇零用錢使，所以好珍惜錢；佢慨嘆話依家啲家長過分擔心小朋友，一見有新電話出，小朋友未開聲就已經幫佢哋換新嘅。
太易得到嘅，會變得理所當然，莫講話小朋友，大人都未必曉珍惜。
余絲韻