升唔起跌唔落，低成交低波幅逐漸變成常態，好的股票走勢債券化，長期鎖死在高位窄幅波動，衰的股票無人肯落疊，剩得一班圍內玩家自high，根本無意思。
買好股驚衰股更驚，難怪平民百姓都選擇買物業，簡簡單單收租便算。當然香港人特別愛磚頭，是和經驗有關，買樓坐得番，股票卻往往輸到嘔，金融股及中資股過去幾年的走勢實在太令人失望。
全民收租食老本，當然不是辦法，過多幾年相信好租客會變成稀有動物，非常搶手。始終太多人湧去做同一件事，回報一定會是愈來愈低。
其實港交所（00388）應該因應這股追捧磚頭的熱潮，嘗試搜羅世界各地REITs來香港上市，或者第二上市也好。過去外國公司在香港掛牌不受歡迎，因為行業主要集中在資源及品牌，資源股日落西山，品牌則個別發展。
近年投資潮流主要旺日用品，偏偏香港上的外國品牌主要是中檔奢侈品，不配合大趨勢，所以表現同樣失色。可是，REITs是最容易分析的投資產品品種，而且香港人對投資海外商業物業肯定有興趣，只要看看海外樓盤廣告一大堆便可以理解。
由於香港股票印花稅貴，機構投資者有得揀多數自行到海外出擊，不過REITs應該有頗多私人投資者願意參與。
顧慮是波動細無得短炒，參考本地REITs的發展，一段時日累積一定升幅之後，轉手率便會提升，所以值得開墾這個市場。
豐盛金融資產管理董事 黃國英（作者為註冊持牌人士）