為咗買樓可以幾盡？何止假結婚，仲有真離婚。聽講上海徐匯區民政局離婚登記處尋日畀去辦理離婚嘅人逼爆，登記處原本收四點半，但人太多，登記處搞唔掂，惟有採取臨時「封閉」措施，四點就閂門。
話說，內地樓市熱到爆，但按現行上海房產限購政策，外地戶籍單身人士唔可以喺上海買樓，於是有人為買樓索性假結婚做個「真上海人」。
不過搞到離婚，就關限購政策另一樣事，就係單身只限買一間住宅，已婚者就可以買兩間住宅，不過第二間要畀高啲首期（即是至少五成）。上有政策，下有對策。於是好多夫婦索性通過離婚將名下層樓劃歸一方名下，然後另一方再以單身身份再買第二間，以避開高成數首期。搞到咁盡，你又得唔得？
余絲韻