絲絲講場：羅傑斯薦北韓圜話發梗

點解睇中北韓？羅傑斯話，北韓依家就好似「八一年嘅中國」，正處於發展嘅「醬爆臨界點」。佢話北韓依家有15個自由貿易區，仲有你想像唔到嘅高級餐廳。

中俄投資者揸重

羅傑斯話北韓開放緊，依家投資絕對值博！唔少中國與俄羅斯投資者正蜂擁入北韓市場。羅傑斯都爭啲就投資咗間持有北韓銀行嘅中資集團，可惜律師提佢，佢唔投資得。

金管禁 港無得暢

查實，北韓貨幣一般叫「北韓圜」。邊度有得暢？嗱，金管局有溫馨提示，因為北韓受聯合國制裁，香港係禁止兌換嘅。黑市兌換？絲絲忠告大家，北韓實施鎖國政策，為防北韓圜外流，外國人喺當地只能用人民幣、歐元及美元，當地人若黑市兌換北韓圜會遭槍決。

阿商品大王咁樣畀發達貼士法，即係擺明考絲絲啫！之不過，係富豪險中求定少食多覺瞓，自己諗嘞。

余絲韻