運動同「錢」途真係關係密切到呢。前NBA球星高比拜仁拍住資深投資者Jeff Stibel成立創投基金，規模一億美元（即7.8億港元），未來幾年主要投資科技丶媒體及數據等企業。
一個係球星，一個係資深投資者，條大纜點扯得埋？佢兩個原來係透過一個Common Friend而認識，佢兩個原來由三年前開始已經有合作，已經投資過15間公司。依家見高比拜仁正式退役，於是亦想搞呢個創投基金，並將公司名命為「Bryant Stibel」。
個基金最近投資嘅項目包括體育媒體網站The Players Tribune丶電玩開發商Scopely丶法律服務公司LegalZoom及電話推銷軟件RingDNA等。
佢兩個仲話今次各自發揮所長，Stibel就好有經驗創立公司，咁高比拜仁？佢負責Branding同創意嘢，公司Logo咪就係由佢設計囉。錢途又有，創意又有，唔講都唔知運動幾咁緊要。
余絲韻