絲絲講場：新興市行運關拍賣行事？
蘇富比一公布第二季盈利升31%，股價上周一即飆13%，依家仲升緊。拍賣行股價飆可能顯示新興市場有運行！
兩條走勢線孖足10年
點解咁講？事關睇番呢10年蘇富比股價走勢，一同MSCI新興市場指數條線拍埋，兩條線幾乎好似跳Tango咁拍住上落。
兩者咁啱Key，原因可能有兩個：第一、藝術古董奢侈品同新興市場一樣，都係高啤打值投資（高啤打，High-Beta也，即是價格走勢比大市波動大，風險相對高啲咁）；第二、近年最多咩人掃奢侈品？咪就係啲亞洲豪客囉。就睇蘇富比喺香港嘅拍賣銷售上半年已升咗22%就知，而亞洲市場對藝術品嘅需求今年亦升咗12%。
余絲韻