絲絲講場:小加「童」樂日

港交所(00388)行政總裁李小加向來惹火,但對住細路就完全另一個樣!

港交所上周五搞咗個員工帶小朋友返工日,等啲小朋友可以近距離知阿爸阿媽其實做乜。李小加何止親身落場迎接帶四周參觀,仲拎住大束五顏六色氣球係咁派,佢笑到見牙唔見眼,同啲小朋友玩到癲咗,影相時直頭瞓埋落地!當日仲有小丑表演、吹氣城堡彈床、擰氣球!今年已經係港交所第二年舉辦,參加人數比舊年多咗近一倍,有110名員工帶埋小朋友返工。

余絲韻