創意新勢力：宅男搞潮網 身家值3億
33歲一度坐擁42億元身家的馬柏榮（Kevin），是潮流資訊平台HYPEBEAST（08359）創辦人、主席兼行政總裁。對於被封為潮爆男神、潮流教主，他在接受專訪時稱：「都開心嘅，但我唔會咁樣稱呼自己，我會形容自己係普通人，就算宅男都冇所謂。」
在香港出生、溫哥華長大的潮網主帥，憑着對波鞋及潮流資訊的熱愛，○五年起一步一步由編寫網站到生意愈做愈大。
分享資訊 開拓電商
今年四月，公司成功登陸香港創業板，創下首日股價較配售價最高升逾20倍的佳話（收市亦升逾7倍），當時帶挈持有15億股的他身家高見42億元。截至本周一HYPEBEAST股價仍較配售價高逾七成，他持有股份市值仍逾3億元。
謙稱自己是普通人的Kevin，甚至笑言被形容為宅男也沒有所謂：「因我鍾意電腦同打機，又鍾意波鞋，只係唔同人『宅』嘅嘢唔同。」
憶述創業經過，他指讀大學時已很喜歡看潮流雜誌，會上波鞋討論區發掘新資訊，又會排隊購買和收藏限量版波鞋，於是想到自己也可弄一個與網民交流分享潮流資訊的網站。直到畢業後在溫哥華打銀行工，他繼續堅持每日放工後即跑回家更新網站：「因自己真係好鍾意，每日傍晚五、六點放工，跑返屋企就一直更新到夜晚一、兩點。一開始冇諗過係生意，純粹興趣，所以亦冇投入過錢，唯一成本係時間。」
創業可以零成本，因Kevin透過廣告收入支持網站的營運費用：「大概做咗6個月，發現網站賺嘅錢同打工收入差唔多，就試吓辭工專注喺屋企搞網站，又唔使日日着西裝嘛！發展到咁上下，覺得潛力愈來愈大，就返香港開埋寫字樓，請人繼續發展生意，之後拓展埋電子商貿平台，直接喺網上賣時裝。」
現時網站提供時裝、文化、音樂等潮流資訊。公司早前公布截至三月底止全年業績，期內營業額逾1.5億元，按年增53.5%，其中來自數碼媒體廣告及電子商務的收入分別為9,530萬元及5,660萬元；盈利420萬元，較去年同期減少53%，但若撇除上市一次過開支，核心盈利按年增1.18倍至1,980萬元。
起步無融資 靠廣告
「公司上市前冇做過融資，只係依靠廣告同電商收入，唔知係唔係運氣，但時機、早開始都好重要。」Kevin續指，公司上市後多了資金發展業務，亦多了人留意公司，上市只是想繼續做好這盤生意：「上市前一晚一定會緊張，因未試過，但就冇嗰種一夜致富嘅感覺，始終有禁售期，最重要係點樣把生意做好。」
至於如何定義「潮流」，他認為：「十年前，可能係雜誌話畀你聽乜嘢係潮流，但依家社交媒體發達，每人都有發言權，你鍾意甚麼都可以喺平台上表達，但唔代表唔可以影響潮流界。再者，潮流唔代表一定要買好貴、好Flashy（華而不實）嘅衣服，最緊要係你覺得係咪舒服。我認為穿得有自信、舒服，已好夠。」他指這僅屬個人意見，不代表HYPEBEAST。