上星期Apple Pay登港，iPhone用戶就忙於試玩，新鮮得嚟又可以享受回贈等優惠。Apple Pay咁方便，用手指一按就畀到錢，仲要有額外回贈，咁香港支付一哥八達通點應戰呢？
八達通最新推出為iOS裝置用戶而設嘅「八達通流動讀寫器」。八達通有個「好易畀」（O! ePay）手機錢包，但iPhone用戶之前充值O! ePay好唔方便，因為iPhone鎖咗個NFC（近場通訊）功能，令iPhone用戶唔可以直接用八達通卡「嘟」手機為O! ePay充值。
依家有咗流動讀寫器，iPhone用戶只要用八達通卡「嘟」個讀寫器，就可以為O! ePay帳戶充值，的確方便咗。不過，市場上有咁多手機錢包可以選擇，到底有幾多人會用228蚊買八達通讀寫器呢？
余絲韻