炒番轉前睇三樣嘢

耀才證券研究部經理植耀輝稱，想快炒新股要留意三個要點︰市況氣氛、集資額及超購數字。

孖展抽新股有風險

「若市旺，新股會炒得好勁，若股份細細隻，集資額得幾億元，自然貨源歸邊，首日升幅會好大。」信義香港及星亞控股分別只集資數千萬元，不足一億元自然易炒起。

不少投資者為增加抽中新股勝算，會申請孖展抽。惟植耀輝認為，利用孖展抽新股要留意市場氣氛，一旦認購不足，加上市況淡靜，獲派股份超過本金便得急補差價，股份亦多因認購不足而表現較差。