在重磅股微軟領漲下，隔晚美股又再破頂。短短一個月內，英國脫歐、土耳其政變、法國及德國遭受恐襲，全球動盪不安，但俗稱恐慌指數的VIX，卻從上月英國公投後高位26.72，輾轉回落到周三晚11.4的近一年新低。
資金湧向美元資產避險，加上橫行多時的美股技術走勢出現突破，投資者對立立亂的新聞坐視不理，掉轉頭炒環球央行陸續放水托經濟。在股市愈買愈起勁下，新一浪環球股市的強勢都算弔詭之極。
英國公投後好彩捉到轉角位，但見期指升穿21,664點後似慢火煎魚格局，筆者也忍不住先減一半好倉，奉行落袋才是錢的格言。當然，若非還有一半倉底在手，眼白白睇住昨日攻破22,000點，肯定要用刀仔拮自己大髀。
大市升穿運行超過一季橫行區，今浪量度升幅唔嘢少，以現貨計，最樂觀可見23,674點。正所謂升市莫估頂，與其日日估幾時出現調整，不如放空心態，或者把部分好倉先食胡，讓餘下部分繼續幫閣下滾雪球，把利潤最大化。昨期指即市低位21,906點，是今日筆者訂的即市止賺位。
John Mullen