絲絲講場：I-PRIMO老總最冧香港美食

香港人鍾意去日本，鍾意到當正係第二個屋企咁，不過原來日本人都好鍾意香港！日本婚戒品牌I-PRIMO第三任董事總經理黑田將久今年一月上任，嚟咗香港近半年，問佢覺得香港點樣？佢即刻話好鍾意，仲話香港「好暖」！

依家熱到標晒汗，出街無把芭蕉扇都唔得，黑田反而覺得香港夏天可以接受，除咗濕度高啲外，皆因對比日本40度嘅天氣，其實氣溫差唔多啫。

咁香港美食呢？黑田喜好都幾特別，原來佢鍾情香港米線，「味道又複雜又有深度」喎。佢仲好識食，米線要「中辣」。雖然唔係嚟咗香港好耐，黑田都好入鄉隨俗，除咗最基本嘅「唔該晒」，仲識講「蘿蔔糕」，唔知佢係咪對美食特別有興趣呢？

至於I-PRIMO呢個日本婚戒品牌，其實喺日本係排名第一嘅品牌嚟。據講依家日本約有30個婚戒品牌，而據當地統計，每10對日本新人當中，就有7對揀I-PRIMO婚戒，公司總營業額佔日本婚戒市場有10%。

余絲韻