絲絲講場：中銀陳振英24年1次病假
銀行界出名要日做夜做鬥勤力，中銀香港（02388）董事會秘書陳振英（Ronick）就分享佢24年銀行生涯，只請過一日病假，原因就係「生痄腮」（流行性腮腺炎），返到公司，同事話佢「有礙觀瞻」而勒令放假，其他日子就算有小小感冒，食咗藥都會繼續返工。
始終離不開香港
做到入中資銀行董事會嘅Ronick，原來係土生土長香港人，佢話自己中學到大專教育都喺香港完成，連之後個工商管理碩士學位，都係香港讀嘅美國大學校外課程。
Ronick話佢畢業第一份工其實係入中旅做海外業務，但係當時成日要飛，想進修都無時間，最緊要係後生仔無得留喺香港拍拖，所以有機會就轉咗去南商做銀團貸款同上市融資嘅銀行業務，之後就一直留喺銀行界。
余絲韻