絲絲講場：硅谷機械人襲擊BB?!

大家仲記唔記得《鐵甲威龍》（RoboCop）？仲有近期嗰一套Will Smith嘅《智能叛變》（i,Robot）？早排美國硅谷真係有RoboCop襲擊人類！仲要係攻擊天真無邪嘅小朋友！

元兇係原本喺硅谷好受歡迎嘅巡邏機械人K5，K5有紅外線感應、360度鏡頭，一「聽」到汽車勁響咹、爆玻璃、或者有人尖叫，就知發生事故，自動通知有關單位。

最緊要係K5有副《星球大戰》R2-D2咁受小朋友歡迎嘅外形。但勢估唔到，K5今個月初竟然會無情地剷低個歲半都未夠嘅B，K5重成300磅，阿B隻腳腫晒，陰功！仲係呢個月內第二個細路受襲添！

話時話，早排先話Tesla自動導航炒車撞死人，地球好危險！

余絲韻