早前TCL通訊（02618）提私有化，筆者都提過隻海爾電器（01169），近日海爾管理層指，母企海爾集團已完成收購美國通用電氣的家電業務，並透露母公司有計劃向海爾注資。看來此股注資概念呼之欲出，在短期外圍大幅波動影響市況之下，不妨留意低位承接。
講到呢類股，筆者又想起隻海信科龍（00921）。科龍去年賺5.8億元人民幣，倒退13.7%。年初公司總裁換人，已公布首季純利按年倒退34%，宜留意次季能否止住跌勢。
之不過，呢期紅籌股紛紛諗重組，呢隻股都唔係冇得諗。次季以來阻力位在3.7元，支持在3元，公司末期息除淨日係下周二，反正現價唔高，不妨睇睇有冇機會賺價兼賺息。
司慕渢