絲絲講場：花旗語音認證搵孖女測試
花旗香港搶閘推全港首項語音認證服務，電話銀行憑客戶把聲就可以確定身份，個客唔使輸入密碼，花旗今次推呢樣新嘢，特別搵孖女出場！
點解要出動到孖女？就係擔心會人有相似，如果連把聲都似，又或者有人「扮聲」，咁點算？所以就搵對孖妹即場示實測系統。
把聲雖似 準確分到
姐姐Elena先出場，之後到妹妹Anne出場時，實在太似樣，在場無人為意換咗人，搞到當個語音認證系統唔畀美少女登入時，絲絲即刻「唉喲」咗聲以為蝦碌添，無諗過其實已經由姐姐換咗妹妹！
15秒搞掂 快過依家
搞咁多，無非係想話每個人嘅聲紋，猶如指紋咁獨一無二，即使把聲再似，語音認證都分到，辨識時間只需15秒，比現時認證程序所需嘅45秒快好多。
余絲韻