絲絲講場：銀公主席冇諗過做Banker？
「我的志願」係大家求學時期，必然會面對嘅作文題目，銀行公會主席陳秀梅（May）噚日出席活動時透露，自己細個嘅志願係做教師，而身邊同學多數目標做醫生、律師，但偏偏無人立志做Banker，原因係學生哥對Banker嘅工作唔了解。May講笑咁話，學生大概只會喺存利是錢入銀行嗰陣，先接觸銀行。
為咗畀中學生了解銀行多啲，銀行公會嚟緊會舉行一連串青年理財嘅教育計劃，包括向學生講解銀行業嘅結構同運作，參觀銀行分行同後勤部門，仲會教授理財概念，等班同學為未來投身銀行業做好準備。
余絲韻