所謂高手在民間，日本藝能事務所就最深明呢個道理，四圍發掘潛質優厚嘅女仔成為寫真偶像，好似近期人氣大盛嘅長澤茉里奈咁，阿妹原本喺一間快餐店賣包，家陣已經成為童顏巨乳新貴喇！
喺日本寫真界可以話一代新人勝舊人，以前人氣火紅嘅巨乳寫真偶像，大部分都好好波，但係身材就偏向肥胖，好似成功轉型為演員嘅小池榮子咁。不過，家陣新一代寫真偶像已經進化晒，有巨乳又有纖巧胴體，難怪有人話佢哋好似由二次元空間走到現實世界。另一方面，寫真界嘅童顏巨乳系女優亦有進化，以往大家都覺得篠崎愛夠晒可愛又嫩口，但係新人當中仲有一個比佢生得更加幼嫩稚氣，呢位就係長澤茉里奈喇！
大家見到茉里奈個樣，可能同小弟一樣覺得佢唔夠秤，其實阿妹今年已經20歲喇！佢個樣嫩口得咁緊要，實在係世間少有！至於身材方面，阿妹瘦削纖細，但係胸部就一啲都唔細，尺寸有32F咁勁，一對雪白大肉球掛喺身上相當唔合比例，令呢對F奶更具視覺震撼！
茉里奈擁有童顏巨乳如此吸引，難免會有人將佢同師姐篠崎愛比較，不過比起上嚟都係各有千秋，好難分到勝負。有人就話如果計待客態度，咁就一定係茉里奈較為優勝，咩話？待客？唔通……非也！茉里奈拍水着寫真之前，原來喺一間M字頭美式快餐店工作，負責收銀賣漢堡包，做得呢類職業就梗係待客態度一流啦！而阿妹就係喺賣緊包嘅時候，被星探睇中叫佢唔好再賣漢堡包，轉型去賣胸前兩個大包。
呢位星探認真識貨，茉里奈出道之後人氣勁升到收唔到掣！喺參加選美比賽「Miss ID」嘅時候，獲得民間投票冠軍獎，最威水就係阿妹換上快餐店侍應制服自我介紹嘅片段，獲得17萬點擊率，為同期各佳麗嘅3倍之數，厲害！早幾日，阿妹為其最新寫真作品《まりちゅうに夢中》開握手會吸引到超過200人到場支持，同樣優勝過好多寫真偶像，人氣好勁呀！
簡介：長澤茉里奈除咗係人氣寫真偶像，仲係美少女組合「放課後Princess」成員，近期阿妹經常同班姊妹四圍登台表演，大家Click上佢嘅Twitter就可以睇到活動花絮喇！
網址：https://twitter.com/nagasawa_marina?lang=ja
年齡：20歲
身高：5呎1吋
三圍：32F-22-33
撰文：賢