生活逼人，很多人想一夜致富。不過，典型的富豪並不是一夜瞓醒就變得有錢，究竟佢哋係點樣白手興家？
美國信託進行嘅一六年財富和價值見解調查，追訪700名美國擁有最少300萬美元投資資產的富豪，結果顯示「美國夢」仍在－－想發達，可以白手興家。
調查顯示，逾1/3富豪來自中產或基層家庭，致富主要靠工作、投資同創業，只有10%是靠繼承家產。換句話說，富有是靠日積月累嘅「投資組合」。
該批富豪係怎樣投資？絕大部分是「長期買入後持有」股票及債券，每8個被訪者中有7個都係。逾80%富豪更指，財富是靠一系列「小勝」儲起來，佢哋嘅共通點係絕不會承受巨大嘅投資風險，因為實現長期目標較滿足現時嘅欲望更重要。
或許你會反駁○一年科網爆破及○八年金融海嘯證實「買入後持有」策略不濟，但富豪們不會將成副身家「搏命」，通常會留超過10%現金，當中有20%富豪更會留25%或以上現金，令佢哋可以喺市場低潮時把握機會再買入。
余絲韻