憤怒鳥（Angry Birds）、Candy Crush之後，好像已經沒有再出現一個家喻戶曉、令人「玩上癮」嘅手機遊戲。
等候多時，最近似乎終於出現了！所指嘅正係經典「貪食蛇」嘅進化版Slither.io，其開發員更由窮鬼搖身一變，成為日賺78萬元的賺錢王！
32歲嘅美國程式開發員豪斯（Steven Howse）喺3個月前連交房租都有困難，想不到花了6個月時間研發嘅「貪食蛇」遊戲Slither.io，「每日」進帳超過10萬美元（約78萬港元）！你冇睇錯，係日賺78萬元！呢個今年三月底才上架嘅遊戲，已成功擠進頭十位最多人下載嘅iOS及Android應用程式，與facebook、YouTube看齊。
Slither.io有手機版及互聯網版，當中手機版已被下載超過6,800萬次，互聯網版的每日玩家平均有6,700萬人。呢個「貪食蛇」遊戲特別在於，它能同時容納500位玩家一起比賽。
至於令豪斯暴富起來嘅，主要係廣告收入，而玩家則可付3.99美元隱藏輸掉遊戲時彈出嘅廣告，儘管當中豪斯每次從廣告袋走嘅不足1美仙，不過每日平均有4.6億人次輸，可想而知有幾「和味」。
余絲韻