新規防金融犯罪
滙豐發言人解釋，話驚啲保險箱有機會被犯罪分子濫用，所以加入新條文以打擊金融犯罪。何謂「滋擾性」、「違法」或「冒犯性」物品？滙豐舉例，好似爆炸品、易燃或液體性物品、違禁藥物、武器、槍械同埋賊贓咁。
究竟係唔係執行到呢？有保險箱主管同絲絲講，銀行同保險箱用戶嘅關係就好似「業主同租客」咁，銀行一般喺保險箱門口裝閉路電視，職員開完鎖後就閃人。要知道個客個箱裝啲咩，只有欠租之下銀行爆鎖開箱先知。咁佢又見過啲咩奇怪嘢呢？參茸海味同鮑魚咁囉，唔知呢啲算唔算「滋擾性」物品呢？
絲絲個保險箱收埋啲乜？係信。咩信？你估吓。
余絲韻