南韓咖啡店一一年得1.24萬間，到舊年已激增到4.96萬間，啲舖開得快過啲人飲。首爾人口約1,000萬，但就有過1.7萬間咖啡店，即是每1萬人有17間，仲勁過Starbucks喺發迹地西雅圖（每1萬人有15間）。咖啡舖多成咁會點？以前（講緊○八至一二年）當地啲咖啡連鎖集團每年收入增長都有20%以上，但到一四年就得番8%。
戰況點？南韓最大咖啡店營運商Ediya（有1,800間分店）改善品質、加價迎戰，Cafe Droptop（有225間分店）舊年底裁員20%，Coffine Gurunaru（有100間分店）就由一三年開始盈轉虧。
余絲韻