金管局專收大銀嘅「神沙車」行咗就快兩年，見晒世面。神沙車第一日出更，就遇到位茶餐廳老闆推住幾麻包袋米撲過嚟！神沙車唔收米嘅喎，搞乜？原來老闆多年由茶客收番嚟嘅神沙，多到裝滿幾個米袋，呢幾包「米」值成十幾萬元！
神沙車亦試過一口氣十幾萬元1蚊「大餅」落肚，原來係慈善團體喺殯儀館放咗捐款箱，好多人順手將「吉儀」一蚊捐出來，所以就儲咗一大堆。
神沙車仲「硬食」過假牙同飾物咁，所以工作人員要篩走雜物先。仲有發霉發黑、舊款銀仔、同其他國家貨幣，佢都啃唔落o架。
余絲韻