絲絲講場：「奇珍異獸」同事你遇過幾多？

打工仔工作壓力大，未必係因為多嘢做，身邊如果有極品同事，分分鐘搞到人屈到病。保柏近排就喺facebook專頁貼咗一套「奇珍異獸同事卡」，入面嘅「奇珍異獸」特徵，都好熟口熟面吓喎，你公司有冇呢？

保柏呢套同事卡包羅咗四種「奇珍異獸」：分別係「三姑六婆」、「細菌小子」、「Hill Cheung」（諧音：囂張）同「蛇王芬」。每張卡有埋每隻「奇珍異獸」嘅簡介、強項同埋口頭禪，仲有埋壓力指數。究竟邊款「奇珍異獸」同事為公司員工帶嚟最大壓力？就係「三姑六婆」，壓力指數爆晒燈，有成五粒星！

話時話，「奇珍異獸同事卡」上面嗰四位職員相……嗱嗱嗱，保柏講明絕對唔係佢哋旗下員工。

絲絲Office有冇奇珍異獸？呢度嘅奇珍異獸之王就係叫做余絲韻。

余絲韻

絲絲講場：「奇珍異獸」同事 你遇過幾多？